Myanmar Idol မှာဝင်ရောက်ယှဉ်ပြိုင်နေတဲ့ သရုပ်ဆောင် ဦးမင်းဇော်ရဲ့ သမီးကြီး သွန်းပိုးအိမ်

သရုပ်ဆောင် ဦးမင်းဇော်ဟာ အနုပညာလောကမှာ ဆယ်စုနှစ်တစ်ခုကြာ ရပ်တည်လာခဲ့သူတစ်ဦးဖြစ်ပါတယ်။ ဦးမင်းဇော် ပါဝင်သရုပ်ဆောင်ထားတဲ့ ဇာတ်ကားပေါင်းမြောက်မြားစွာရှိပြီးတော့ ပရိသတ်တွေကလည်း အမြဲမှတ်မိနေရလောက်အောင် သရုပ်ဆောင်ကောင်းတဲ့ ဇာတ်ရံ တစ်ဦးလည်းဖြစ်ပါတယ်။ အပြင်လောကမှာတော့ ဦးမင်းဇော်ဟာ အိမ်ထောင်ဦးစီးတစ်ဦးအဖြစ် ဦးဆောင်နေရသူတစ်ဦးဖြစ်ပြီး ပျော်ရွှင်တဲ့ မိသားစုဘဝလေးကို ပိုင်ဆိုင်ထားတဲ့အပြင် အသံချိုချိုနဲ့ ဆွဲဆောင်မှုရှိလှတဲ့ သမီးလေးတစ်ဦးကိုလည်း ပိုင်ဆိုင်ထားရသူလေးပါ။

သူကတော့ သွန်းပိုးအိမ်ပဲဖြစ်ပါတယ်။ သွန်းပိုးအိမ်ဟာ ရုပ်ရှင်သရုပ်ဆောင် ဦးမင်းဇော်ရဲ့ သမီးကြီးတစ်ယောက်ဖြစ်ပြီး ချိုသာလွန်းလှတဲ့အသံအပြင် ချစ်စရာကောင်းတဲ့ သွင်ပြင်လေးကိုပါ ပိုင်ဆိုင်ထားသူလေးပါ။ သွန်းပိုးအိမ်ဟာ ယခုလက်ရှိမှာတော့ Myanmar Idol Season 3 မှာဝင်ရောက်ယှဉ်ပြိုင်လျက်ရှိနေပြီး အောင်မြင်မှုကိုလည်း ယခုအဆင့်အခြေအနေအထိ ရရှိထားသူလေးပါ။

ဦးမင်းဇော်ကတော့ သူ့ရဲ့သမီးလေးဖြစ်သူအတွက် သီချင်းခွေတွေ အခွေပေါင်းများစွာ ထုတ်ပေးနိုင်ဖို့ အင်အားမရှိပေမယ့် အနုပညာသမားတစ်ယောက်ဖြစ်တဲ့အတွက် အမြဲတမ်းဘုရားတရားပြုလုပ်ဖို့ ဆုံးမသွန်သင်ပေးနေခဲ့သူလည်းဖြစ်ပါတယ်။

သူမဟာ ယခုလက်ရှိမှာတော့ Philosophy အဝေးသင် ပထမနှစ် တက်ရောက်နေသူလေးဖြစ်ပါတယ်။ ငယ်ငယ်လေးတည်းက အဆိုတော်တစ်ဦးဖြစ်ချင်တဲ့သူမကတော့ သူမအဖေရဲ့ ခွင့်ပြုချက်ကြောင့် တက္ကသိုလ်ဝင်တန်းစာမေးပွဲအောင်မြင်ပြီးမှ အနုပညာအလုပ်တွေကို စတင်လုပ်ကိုင်ခွင့်ရရှိခဲ့တာလည်းဖြစ်ပါတယ်။ သူမဖခင်ဖြစ်သူ ဦးမင်းဇော်ကတော့ သမီးလေးဖြစ်သူကို အမြဲကြိုးစားအားထုတ်သူတစ်ဦးဖြစ်စေချင်သူဖြစ်ပါတယ်။

ယခုလက်ရှိ Myanmar Idol မှာဝင်ရောက်ယှဉ်ပြိုင်နေတဲ့ ဦးမင်းဇော်ရဲ့ သမီးဖြစ်သူ သွန်းပိုးအိမ်ကိုလည်း အားပေးလို့ရအောင် We Love Cele ပရိသတ်တွေအတွက် ဖော်ပြပေးလိုက်ပါတယ်နော်။ ဒီလိုမျိုး အောင်မြင်အောင် ကြိုးစားနေတဲ့ ညီမလေးသွန်းပိုးအိမ် Myanmar Idol မှာလည်းဆက်လက်အောင်မြင်နိုင်ပါစေလို့ ဆုတောင်းပေးလိုက်ပါတယ်။

Ref-Myanmar Celebrity & We Love Cele