ရင်ခွင်ဟောင်း နောက်တစ်ယောက်ပြောင်းလည်း အဆင်မပြေလို့ မပျော်တော့ရင် ပြန်လာခဲ့ အရင်အတိုင်းပဲ လက်ခံမယ်’ ဆိုတဲ့ သီချင်းကြားတိုင်း သူ့မျက်နှာကို တန်းပြီးပြေးမြင်၊ သူသာကိုယ့်ဘဝ သူ့ရင်ခွင်ကသာ ကိုယ့်အတွက်နားခိုရာ၊ သူကလွဲရင် တခြားဘယ်သူ့ဆီကိုမှ မသွားနိုင်တော့ပါ စသည်ဖြင့် သူကဘဝကြီးတစ်ခုလုံး ဖြစ်နေတဲ့ ယောင်းတွေရှိလားဟင်။ အဲဒီလူကလည်း အကြောင်းအမျိုးမျိုးကြောင့် အနားမရှိနိုင်တော့ဘူး ဒါပေမဲ့ အဲ့ဒီလူကို အခုချိန်ထိ တမ်းတမ်းတတဖြစ်နေတယ်ဆိုတာ ကိုယ့်အဆက်ဟောင်းကို ကိုယ်မမေ့နိုင်တာပါပဲ။ မမေ့နိုင်ဘူးဆိုတဲ့နေရာမှာကလည်း အမျိုးမျိုး ရှိနေသေးတာကလား… ဆိုတော့ ယောင်းတို့ရဲ့ အချစ်ဟောင်းကို မမေ့နိုင်တာ ဒီလိုအချက်လေးတွေကြောင့် ဖြစ်မလား?
(၁) သူကကိုယ့်ဘဝမှာ အကောင်းဆုံးအမှတ်တရတွေ ပေးနိုင်ခဲ့လို့။
ကိုယ့်ဘဝမှာ တစ်ခါဆို တစ်ခါမှ မကြုံခဲ့ဖူးတဲ့ အမှတ်တရ လှလှလေးတွေကို ပထမဆုံးဖန်တီးပေးခဲ့တဲ့ ကိုယ်သိပ်ချစ်ရတဲ့လူပေါ့။ သူ့ကိုဆုံးရှုံးသွားတဲ့အခါ ဒီအမှတ်တရတွေပါ သူနဲ့အတူပါသွားပြီဆိုတဲ့ အသိက သူ့ကိုလုံးဝ ယတိပြတ် မေ့မသွားနိုင်တဲ့ အကြောင်းအရင်းတွေထဲကတစ်ခုပါပဲ။
(၂) ကိုယ်ဘယ်လောက်ဆိုးနေပါစေ သူအမြဲသည်းခံခဲ့လို့။
ကိုယ်က ပေါက်ကရတွေပြောနေလည်း ပြုံးပြီးသာ ကြည့်နေတတ်သူ၊ ကိုယ်စိတ်ညစ်နေပြီ၊ စိတ်ဓာတ်ကျနေပြီဆိုရင်လည်း ဘာတစ်ခွန်းမှ မပြောဘဲ ကိုယ့်ကိုဆွဲခေါ်ပြီး သူ့ရင်ခွင်ထဲ ဆွဲသွင်းတယ်၊ ကိုယ်ဘယ်လောက်ဒေါသထွက်ထွက်၊ ဘယ်လောက်ဆိုးဆိုး အမြဲမငြိုငြင်ဘဲ သည်းခံပြီးနေတဲ့ လူမျိုးဆိုတာ ကမ္ဘာပေါ်မှာ ကိုယ့်မိဘကလွဲလို့ မရှိနိုင်ဘူးလို့ ယူဆခဲ့ပေမဲ့ သူက ကိုယ်မထင်ထားတဲ့ လူမျိုးဖြစ်နေတော့ သူ့အပေါ်ကို တအားသံယောဇဉ်တွေတွယ်မိ၊ အဲဒီအချိန်မှာမှ သူ့ဘက်က သည်းခံနိုင်စွမ်းကုန်သွားတဲ့ အချိန်ကျတော့ ကိုယ့်မှာ အရူးမီးဝိုင်းတွေဖြစ်ပြီး သေလုမတတ်ခံစားရတယ်လေ။ ဒီလောက်သည်းခံပြီး ချစ်ပေးခဲ့မှဖြင့်တော့ ကိုယ့်ဘက်က အခုချိန်ထိ ကိုယ်ဆိုးသမျှ သည်းခံခဲ့တဲ့လူကို မမေ့နိုင်သေးဘူးဆိုတာ မထူးဆန်းပါဘူးလေ။
(၃) သူ့လောက်ကိုယ့်အပေါ် ဘယ်သူကမှမကောင်းနိုင်လို့။
အနွံတာခံတာလည်း သူ့အပြင်မရှိဘူး၊ ကိုယ့်အကြောင်းကိုလည်း အူမချေးခါးကအစ အကုန်နားလည်တတ်တဲ့ လူ၊ ကိုယ်ဘယ်အချိန်မှာ ဘာတွေဖြစ်တတ်တယ်၊ ဘယ်လိုမျိုးတွေ အားငယ်တတ်တယ်ကအစ ဘယ်အအေးကို ဘယ်လိုနဲ့မှကြိုက်တတ်တယ် ဆိုတာတွေအဆုံး နားလည်ပေးနိုင်တဲ့လူ၊ ကိုယ်ဘယ်အချိန်မှာ ဘာစားချင်တယ်ဆိုတာနဲ့ ချက်ချင်းရောက်အောင် လာပို့ပေးတဲ့လူမျိုး၊ သွားချင်တဲ့နေရာတိုင်းကိုလည်း ချက်ချင်းလိုက်ပို့ပေး၊ ကိုယ်ကထီးမဆောင်တတ်တဲ့လူမျိုး ဖြစ်နေရင်လည်း သူက အမြဲထီးယူယူလာပြီး ဆောင်းပေးတတ်တဲ့လူမျိုးကို ကိုယ့်အတွေးကနေဆွဲထုတ်လို့မရဘူး ဆိုတာ ကိုယ့်အပေါ်သူ့လောက် တခြားသူတွေက မကောင်းနိုင်ဘူးလို့ မသိစိတ်ကရော၊ သိစိတ်ကပါ လက်ခံထားတာမို့ပါ။
အပေါ်က အချက်တွေကိုဖတ်နေတဲ့အချိန် ကိုယ့်စိတ်ထဲမှာ လူတစ်ယောက်ကဝင်လာပြီး ရင်ထဲက ဆို့နစ်နေအောင် ခံစားရသွားရတယ်ဆိုရင် ဒီလူကိုယောင်းမခွဲနိုင်တာ မဟုတ်ပါဘူး။ သူ့အကြင်နာတွေကို သတိရမိပြီး အခုချိန်ထိ စွဲလမ်းနေသေးတာပါ။ အကယ်၍ သူ့ကို တကယ်ချစ်မချစ်သေချာချင်ရင်တော့ အဲဒီအကြင်အနာတွေ လုံးဝမပေးနိုင်တော့မယ့် လူတစ်ယောက်အနေနဲ့ တွေးကြည့်ပြီး သူ့ကိုဆက်ချစ်နိုင်ဦးမလားဆိုတာကို ပြန်တွေးကြည့်…
ချစ်နိုင်သေးတယ်ဆိုရင်တော့ သူ့ကိုယောင်းတကယ်ချစ်ပြီး ‘ဟင်း အဲ့ဒါတွေမရှိမှတော့ ချစ်ပြီး ဘာလုပ်ရမှာလဲ၊ တခြားလူကို ပြောင်းချစ်လိုက်မှာပေါ့’ ဆိုပြီး တွေးမိရင်တော့ လူကိုချစ်တာမဟုတ်ဘဲ အကြင်နာတွေကို မက်မောနေတာပါ။ အဲ့လိုမက်မောတာ ဆိုရင်တော့ သိပ်မကြာခင် ကိုယ့်အနားကို သူ့လိုချစ်နိုင်တဲ့သူတစ်ယောက် ရောက်လာတဲ့အခါ မေ့သွားပါလိမ့်မယ်။ သူနဲ့တုန်းက မှားခဲ့သမျှတွေကို သင်ခန်းစာယူပြီး ပိုကောင်းတဲ့အချစ်ရေးကို တည်ဆောက်ကြတာပေါ့လေ…
အဆင်ပြေနိုင်ကြပါစေ ….
Post a Comment