မွေးနေ့ပွဲလေး ဖန်တီးပေးသူတွေကို ကျေးဇူးတင်စကားဆိုလိုက်တဲ့ ခရစ္စတီးနားခီ

ကျွန်တော်တို့တွေ အမျိုးသမီးတွေရဲ့ အပျိုစင်ဖြစ်မှုအကြောင်း မနေ့က ဆွေးနွေးခဲ့ကြတယ်။ တစ်ချို့ကျတော့ မိန်းကလေးတစ်ယောက် အပျိုစင်ဖြစ်မှုကိုသေချာပေါက်သိနိုင်တာဆိုလို့ သူတို့ပထမဆုံး လိင်ဆက်ဆံချိန်မှာ သွေးထွက်ရမယ်လို့ ဆိုကြတယ်။ သေချာတာက အဲဒီလိုအတွေးအခေါ်မျိုးကို အများစုက ဆုပ်ကိုင်ထားကြမှာဖြစ်ပေမယ့် ဒါဟာမှားယွင်းနေပါတယ်။

သွေးထွက်ခြင်းက မိန်းကလေးတစ်ယောက် အပျိုစင်ဖြစ်မှု၊ မဖြစ်မှုကို မဆုံးဖြတ်ပေးနိုင်ပါဘူး။ ဒါကြောင့် ကျွန်တော့်အနေနဲ့ ဒီဆောင်းပါးကို ကျွန်တော်တို့ရဲ့ ငယ်ရွယ်တဲ့ အမျိုးသား၊ အမျိုးသမီးထုကြီးအတွက် ပညာပေးအနေနဲ့ တင်ဆက်လိုက်ရတာဖြစ်ပါတယ်။

အမျိုးသမီး အပျိုစင်ယုံတမ်း

အမျိုးသမီးအများစုဟာ သူတို့ပထဆုံးလိင်ဆက်ဆံချိန်မှာ ဘာကြောင့်သွေးမထွက်ရသလဲ။ အရှေ့နဲ့ အလယ်အာရှမှာ အဲဒီယုံတမ်းဟာ တော်တော်ခေတ်စားပါတယ်။ အထူးသဖြင့်ပါကစ္စတန်၊ အိန္ဒိယ၊ ဘင်္ဂလားဒေ့ရှ်၊ အာဖဂန်နစ္စတန်အစရှိသဖြင့်ပေါ့။ (မြန်မာနိုင်ငံလည်းပါဝင်ပါတယ်)။ ပြီးတော့ အာဖရိက (နိုင်ဂျီးရီးယားနဲ့ တခြားနိုင်ငံတော်တော်များများ)လည်းပါဝင်ပါတယ်။ အဲဒီဒေသတွေမှာ အမျိုးသမီးတစ်ယောက် အပျိုစင်ဖြစ်ခြင်းကို သူတို့ပထမဆုံးအကြိမ် လိင်ဆက်ဆံတဲ့အခါ သွေးထွက်ခြင်းနဲ့ ဆုံးဖြတ်နိုင်တယ်လို့ ဆိုကြတယ်။ ဒီအဆိုမှာ အမှန်တရားကတော့ သုညပါပဲ။ အမျိုးသမီးတိုင်း ပထမဆုံး လိင်ဆက်ဆံတဲ့အခါသွေးမထွက်ကြပါဘူး။ ဒီဆောင်းပါးမှာ ရှင်းပြပါမယ်။

တစ်ချို့အမျိုးသမီးတွေ သွေးထွက်ပြီး တစ်ချို့သွေးမထွက်တဲ့ကိစ္စကို နားလည်ဖို့အတွက် အရေးအကြီးဆုံးကတော့ အပျိုစင်အမြှေး/ကညာမြှေး ဘာလဲဆိုတာကို သိဖို့လိုပါတယ်။ အပျိုစင်အမြှေးဆိုတာ အမြှေးပါးတစ်ခုဖြစ်ပြီး မိန်းမကိုယ်အပေါက် (ယောနိ)ကို ကာပေးထားပါတယ်။ (ဒီအမြှေးပါးဟာ တစ်ချို့တွေ အတွေးမှားနေကြသလိုမိန်းမကိုယ်အပေါက်တစ်ခုလုံးကို ပိတ်ဆို့ထားခြင်း သို့မဟုတ် ကာကွယ်ထားခြင်းမရှိပါဘူး)။ နောက်ပြီးတော့ အမျိုးသမီးတိုင်းမှာ အပျိုမြှေးပါမလာခဲ့ကြဘူး။

အဲဒီအပျိုမြှေးဟာလည်း အမျိုးသမီးတစ်ယောက်နဲ့တစ်ယောက်မတူကြပြန်ဘူး။ အမျိုးသမီးတိုင်းမှာ မတူညီတဲ့ အရပ်အမောင်း၊ ကိုယ်အလေးအချိန်နဲ့ ရုပ်ဆင်းသွင်ပြင်ပိုင်ဆိုင်ထားသလိုပေါ့။ တစ်ချို့အမျိုးသမီးတွေမှာ အပျိုမြှေးထူထူပါတယ်၊ တစ်ချို့တွေမှာ ပါးပါးလျလျလေးသာပါတယ်။ တစ်ချို့မှာတော့ ပါကို မပါလာခဲ့ကြဘူး။ တစ်ချို့အမျိုးသမီးတွေမှာ အပျိုမြှေးကြီးကြီးပါတယ်၊ တစ်ချို့တွေမှာ သဘာဝအတိုင်းကိုက အပျိုမြှေးသေးလွန်းတာကြောင့် မိန်းမကိုယ်အပေါက်ကို ကာထားပေးနိုင်ခြင်းမရှိဘူး (ဆိုလိုတာက ပထမဆုံး လိင်ဆက်ဆံတဲ့အခါ အပျိုမြှေးက လမ်းကြောင်းမှာခံနေမှာမဟုတ်ဘူး)။ ဆက်လက်ဖြည့်စွက်ပြောရရင် အပျိုမြှေးဟာ အသက်အရွယ်ကြီးရင့်လာတာနဲ့အမျှ တဖြေးဖြေးနဲ့ သူ့အလိုလို ကွယ်ပျောက်သွားမှာပါ။

အမျိုးသမီးအများစုမှာတော့ အပျိုမြှေးဟာ ကာယလေ့ကျင့်ခန်းလုပ်ခြင်း၊ စက်ဘီး/ဆိုင်ကယ်စီးခြင်း၊ မြင်းစီးခြင်းတွေကြောင့် သူ့အလိုလိုကွယ်ပျောက်သွားနိုင်ပါတယ်။ ကခုန်ခြင်းအပါအဝင် တခြားလှုပ်ရှားသွားလာမှုကြောင့်လည်း ကွယ်ပျောက်သွားနိုင်ပါတယ်။ သို့မဟုတ် အမျိုးသမီးလစဉ်သုံးပစ္စည်းတစ်ခုဖြစ်တဲ့ သွေးထိန်းတောင့် (Tampon) အသုံးပြုရင်လည်း အပျိုမြှေးပျောက်သွားနိုင်ပါတယ်။ အထူးသဖြင့် အပျိုမြှေးဟာ သေးခြင်း သို့မဟုတ် ပါးလွှာခြင်းရှိရင်ပေါ့။ မိန်းကလေးငယ်အသက်ကြီးလာတာနဲ့အမျှ ပျောက်သွားမှာပါ။

အကယ်လို့ အမျိုးသမီးတစ်ယောက် အပျိုမြှေးမပါဘဲမွေးလာခဲ့ရင် သူပထမဆုံးလိင်ဆက်ဆံတဲ့အခါ သွေးထွက်ချင်မှထွက်မှာပါ။ အကယ်လို့ အမျိုးသမီးတစ်ယောက်ရဲ့ အပျိုမြှေးက သေးငယ်ပြီး ပါးလွှာနေရင်လည်း ပထမဆုံးလိင်ဆက်ဆံတဲ့အခါ သွေးထွက်ချင်မှ ထွက်မှာပါ။ အကယ်လို့ အမျိုးသမီးတစ်ယောက်ရဲ့ အပျိုမြှေးဟာ အသက်အရွယ်ကြောင့် သူ့ဟာသူကွယ်ပျောက်သွားခဲ့ရင်(မိန်းကလေးငယ်တွေ အရွယ်ရောက်လာတဲ့အခါ ကြုံရလေ့ရှိ) ပထမဆုံးလိင်ဆက်ဆံတဲ့အခါ သွေးထွက်ချင်မှ ထွက်မှာပါ။

ဗြိတိသျှဆေးပညာဂျာနယ်ကဖော်ပြခဲ့တဲ့ လေ့လာမှုတစ်ခုအရ အမျိုးသမီးအများစု – အနည်းဆုံး ၆၃% သောအမျိုးသမီးတွေဟာ သူတို့ပထမဆုံး လိင်စ ဆက်ဆံတဲ့အခါ သွေးမထွက်ကြပါဘူးတဲ့။ သွေးထွက်တဲ့အမျိုးသမီးတွေထဲမှာ အပျိုမြှေးထူသူတွေ (လူဦးရေရာခိုင်နှုန်းတော်တော်နည်းပါး)နဲ့ ငယ်ရွယ်တဲ့ မိန်းကလေးတွေပါဝင်ပါတယ်။ ဘာကြောင့်လဲဆိုတော့ အပျိုမြှေးဟာ အသက်အရွယ်ကြီးလာတာနဲ့ အမျှသူ့အလိုလိုပျောက်သွားတတ်ပါတယ်။ သဘောက အသက် (၁၆)နှစ်အရွယ် အမျိုးသမီးငယ်ဟာ အသက် (၂၅)နှစ်အရွယ် အမျိုးသမီးထက် သွေးထွက်နိုင်ခြေပိုများပါတယ်။

မိမိကိုယ်တိုင်ဆုံးဖြတ်နိုင်တဲ့အသက်အရွယ် သို့မဟုတ် အဲဒီအထက် – (၁၈)၊ (၂၀)၊ (၂၄)နှစ် အရွယ်တွေရောက်ရင်၊ ဥပမာအနေဲ့ပေါ့၊ အဲဒီမိန်းကလေးတွေရဲ့ အပျိုမြှေးဟာ သူ့အလိုလိုကွယ်ပျောက်သွားမှာပါ။ ဆိုလိုတာက သူမသွေးအများအပြားထွက်ချင်မှထွက်မယ်၊ မထွက်ချင်လည်း မထွက်ဘူး။ ဘယ်လိုပဲဖြစ်ဖြစ် မိန်းကလေးငယ်လေးတစ်ယောက်ဟာလည်း ကိုယ်ကာယလှုပ်ရှားမှုတက်တက်ကြွကြွရှိတယ်၊ ပြီးတော့ သေးငယ်ပြီးပါးလွှာတဲ့ အပျိုမြှေးရှိတယ်၊ သို့မဟုတ် အပျိုမြှေးမပါလာဘူးဆိုရင် သူပထမဆုံးလိင်ဆက်ဆံတဲ့အခါ သွေးထွက်ချင်မှထွက်မှာပါ။

အများအားဖြင့် အမျိုးသမီးတွေ သွေးထွက်ရတယ်ဆိုတာ သူတို့တွေဟာ ကြမ်းကြမ်းတမ်းတမ်းလိင်ဆက်ဆံတာနဲ့ကြုံရလို့ဖြစ်ပါတယ်။ အကယ်လို့ အမျိုးသမီးဘက်က အသင့်မဖြစ်ခင်၊ သက်တောင့်သက်သာမဖြစ်ခင် သို့မဟုတ် စိတ်ပါလက်ပါမဖြစ်ခင် အမျိုးသားက အတင်းထိုးသွင်းခဲ့ရင် မိန်းမကိုယ်ဒဏ်ရာရခြင်း သို့မဟုတ် သွေးထွက်ခြင်းဖြစ်နိုင်ပါတယ်။

လူအများစုက အမျိုးသမီးတစ်ယောက် ပထမဆုံးအကြိမ်လိင်ဆက်ဆံရင် သွေးထွက်ခြင်းဟာ သာမန်ဖြစ်စဉ်တစ်ခုလို့သာတွေးကြပြီး အပျိုမြှေးပေါက်လို့မဟုတ်ဘဲ သူတို့တွေနာကျင်လို့သွေးထွက်ရတာဆိုတဲ့ အသိမျိုးမရှိကြပါဘူး။ ပထမဆုံးလိင်ဆက်ဆံတဲ့အခါ နာကျင်ခြင်းဟာ ယေဘုယျပြောရရင် အမျိုးသမီးဘက်က သက်တောင့်သက်သာမရှိခြင်း သို့မဟုတ် စိတ်ပါလက်ပါမရှိသေးခြင်းကြောင့်ဖြစ်ပြီး ရလဒ်ကတော့ နာကျင်ခြင်းသာဖြစ်ပါတယ်။ အပျိုမြှေးပေါက်လို့ဖြစ်ရတာကတော့ ရှားရှားပါးပါးပါပဲ။

အဓိကအချက်ကို ခြုံပြောရရင် အမျိုးသမီးတစ်ယောက်အပျိုဟုတ်မဟုတ် ဆုံးဖြတ်ဖို့ နည်းလမ်းမရှိပါဘူး။ သွေးထွက်ခြင်းကလည်း အပျိုဖြစ်မဖြစ်နဲ့ လားလားမျှမဆိုင်ပါဘူး။ အမျိုးသမီးတစ်ယောက်ရဲ့ အပျိုမြှေးနဲ့သာသက်ဆိုင်တယ်ဆိုပေမယ့် အဲဒီအပျိုမြှေးကလည်း တစ်ယောက်နဲ့တစ်ယောက် မွေးကတည်းက မတူကြပြန်ဘူး။ ဆိုတော့ ပထမဆုံးလိင်ဆက်တဲ့အခါ သွေးထွက်တဲ့အမျိုးသမီးရာခိုင်နှုန်းဟာ နည်းနည်းသာရှိပါတယ်။ (ဗြိတိသျှဆေးပညာဂျာနယ်ရဲ့ဖော်ပြချက်အရ အမျိုးသမီး ၃၇% သာ ပထမဆုံးလိင်ဆက်ဆံချိန်မှာ သွေးထွက်ပါသတဲ့)။

ဒီအကြောင်းအရာကို သတိပြုဆင်ခြင်ဖို့ ဘာကြောင့်အရေးကြီးတယ်ထင်ပါသလဲ။ ကမ္ဘာတစ်ဝန်းမှာ အမျိုးသမီးတွေဟာ ဒီအပျိုစင်ယုံတမ်းကြောင့် အလွဲသုံးစားလုပ်ခံရ၊ မတော်မတရားလုပ်ခံရ၊ ဒဏ်ရာအနာတရဖြစ်အောင်လုပ်ခံရတဲ့အပြင် သတ်ဖြတ်ခြင်းပါခံနေရပါတယ်။ ဘာကြောင့်လဲဆိုတော့ လူအများစု (အမျိုးသားရော အမျိုးသမီးရော) က သွေးထွက်ခြင်းဟာ အပျိုစင်ဖြစ်ခြင်းရဲ့ လက္ခဏာလို့ တွေးထင်ကြပါတယ်။ ပထမဆုံးလိင်ဆက်ဆံချိန် သွေးမထွက်တဲ့အမျိုးသမီးတွေခမျာ ကွာရှင်းပြတ်စဲခံရခြင်း၊ သံသယကြောင့် အိမ်တွင်းအကြမ်းဖက်ခံရခြင်း၊ အနိုင်ကျင့်စော်ကားခံရခြင်းနဲ့ ဂုဏ်သိက္ခာအတွက် သတ်ဖြတ်ခြင်းတွေခံနေရပါတယ်။

အမျိုးသမီးတစ်ယောက် ပထမဆုံးလိင်ဆက်ဆံချန် သွေးထွက်ဖို့အရေးမကြီးဘူးဆိုတဲ့အကြောင်းကို လူတွေ အသိဝင်အောင် ပညာပေးဖို့လိုပါတယ်။ ဘာကြောင့်လဲဆိုတော့ အမျိုးသမီးတိုင်းမှာ ထူထဲတဲ့ အပျိုမြှေးမပါပါဘူး။ ပြီးတော့ တစ်ချို့ဆိုရင် အပျိုမြှေးကို ပါမလာခဲ့တာပါ။ ဒီလို ပညာပေးခြင်းဟာ လူ့အသက်တွေကို ကယ်ဆယ်နိုင်တဲ့အထိ အရေးပါလှပါတယ်။

ဖြည့်စွက်ချက် – ဖော်ပြခဲ့တဲ့အကြောင်းအရာမျိုးကို Share (မျှဝေ) ချင်ပါတယ်ဆိုရင်တောင် လူတိုင်း Share အဆင်မပြေနိုင်ဘူးဆိုတာ ကျွန်တော်နားလည်ပါတယ်။ ဘယ်လိုပဲဖြစ်ဖြစ် လူတွေကို ဒီအကြောင်းအရာနဲ့ ပတ်သက်ပြီး လူများများဆီရောက်နိုင်သမျှရောက်အောင် အသိပညာပေးဖို့အတွက် News feed မှာ ပျံ့နှံ့နေဖို့လိုပါတယ်။ ဒီတော့ ကျေးဇူးပြုပြီး မျှဝေဖို့ စဉ်းစားပေးပါ။ Share ဖုိ့ မဖြစ်နိုင်ဘူးဆိုရင်လည်း Like လုပ်ပါ။ Comment လေးတစ်ကြောင်းချန်ခဲ့ပါ။ သို့မဟုတ် သူငယ်ချင်းတွေဆီ ဆက်ပို့ပေးပါ။ လူအများကို အသိပညာပေးဖို့အတွက် ဒီအကြောင်းအရာကို ဖြန့်နိုင်သမျှဖြန့်ပေးခြင်းဟာ လူ့အသက်တွေကိုကယ်ဆယ်ရာလည်းရောက်ပါတယ်။

အခုပဲ Share လိုက်ပါ။ မူရင်းဆောင်းပါးရှင် – Ameetab Amit

အထက်ပါ အသိပညာပေး အတွေးအမြင်ဆောင်းပါးကို #MUNA မှ ဘာသာပြန်တင်ဆက်ပါတယ်။